தம் யோகசித்தியால்
பெருமானைக் காணும் பெரும்பேறு பெற்று
அவர்தம் ஆணையால்
தருமச் சாலையில் கூழ் வார்க்கும்
திருப்பணியில் கலந்தார் கல்பட்டு ஐயா !

கல்பட்டாருக்கு தங்குவதற்கு என்று
சிறுகுடிலும் அமைத்துக் கொடுத்தார்..பெருமான்!

உடல் பொருள் ஆவி மூன்றையும்
தங்களுக்கே சமர்ப்பித்தேன் என்று
சாசனம் செய்து கொடுத்தார்...அந்தச் சரித்திரப் புருஷர்!

யோசிக்கிறேன்...
அவர் கூழ் வார்த்தார்!
அவர் புகழை மேடைத் தமிழ் என்னும்
யாழ்வார்த்துத் தந்து வருகிறோம்..யாம்!

பெருமானின் கால்பட்டது..கல்பட்டார் குடிலில்!
அவர்தம் அருட்பாச் சொல்பட்டது..எம், சுழல் -- நாவில்!

கல்பட்டார் புண்ணியம் பெரிது!
மிகப் பெரிது!

நாம் ..அற்பர்!
மிக அற்பர்!

எனினும் முயல்வோம்..
மேல்நோக்கி எழுதற்கு என்று!