நில்லாத காற்றை நிலையாக் கடத்தடைத்துச்
செல்லாது வைக்கின்ற சித்தனெவன் - பொல்லாத



வெம்பாம்பை மேலணிந்தோர் வெம்புற்றின் உள்ளிருந்தே

செம்பாம்பை ஆட்டுகின்ற சித்தனெவன் - தம்பாங்கர்

. ஒண்கயிற்றான் ஒன்றின்றி உண்ணின் றுயிர்களையூழ்த்

திண்கயிற்றான் ஆட்டுகின்ற சித்தனெவன் - வண்கையுடைத்

. தானசைந்தால் மற்றைச் சகமசையும் என்றுமறை

தேனசையச் சொல்லுகின்ற சித்தனெவன் - ஊனமின்றிப்

. பேர்த்துயிர்க ளெல்லாம்ஓர் பெண்பிள்ளை யின்வசமாய்ச்

சேர்த்து வருவிக்கும் சித்தனெவன் - போர்த்துமிக

. அல்விரவுங் காலை அகிலமெலாம் தன்பதத்தோர்

சில்விரலில் சேர்க்கின்ற சித்தனெவன் - பல்வகையாய்க்

. கைகலந்த வண்மைக் கருப்பா சயப்பையுள்

செய்கருவுக் கூட்டுவிக்கும் சித்தனெவன் - உய்கருவை

. மெய்வைத்த வேர்வையினும் வீழ்நிலத்தும் அண்டத்தும்

செய்வித்தங் கூட்டுவிக்கும் சித்தனெவன் - உய்விக்கும்

. வித்தொன்றும் இன்றி விளைவித் தருளளிக்கும்

சித்தென்றும் வல்லவொரு சித்தனெவன் - சத்துடனே